COMPARATIVA DAS DIMENSIÓNS CULTURAIS ENTRE ESPAÑA E GALICIA

Segundo unha investigación presentada na Universidade de Évora o pasado ano no congreso Conference on Entrepreneurship Education por investigadores da USC, os valores das dimensións culturais segundo el modelo Hofstede entre Galicia e España son moi similares en catro das dimensións culturais (PDI, LTO, IDV e MOT). 

Diferéncianse, porén, na dimensión da Indulxencia, onde España cun 44 pode considerarse unha sociedade restrinxida, mentres que Galicia cun 62 aparecería como unha sociedade indulxente

En canto á aversión da incerteza, mentres España aparece como unha sociedade con medo á incerteza (86), Galicia sitúase no posto 38 como unha sociedade sen medo ao descoñecido e máis propensa a asumir riscos.

Polo tanto, existen certas diferenzas culturais entre a poboación galega e a española segundo a metodoloxía Hofstede.

Aínda que é certo que a análise dos resultados amosa valores similares na maioría das dimensións, tamén o é que hai dúas dimensións que presentan diferenzas significativas nos seus valores. 

Por unha banda, no que respecta ao valor da Indulxencia, e por outra banda, no que respecta ao valor de evitar a incerteza.

O significativo de como estas diferenzas culturais entre España e Galicia afectan ao emprendemento é que non parece haber unha correlación. 

Aínda que a evidencia científica mostra que a escasa evitación da incerteza, a baixa distancia de poder, a alta masculinidade, a baixa indulxencia e a orientación a curto prazo son dimensións máis probables das sociedades emprendedoras, a taxa de iniciativa emprendedora é maior en España que en Galicia, aínda que con valores non moi afastados, tendo Galicia un valor baixo para evitar a incerteza.

Porén, a sociedade española ten un valor baixo na variable indulxencia, algo que, tamén segundo a evidencia, é máis propicio para as sociedades emprendedoras. 

Polo tanto, unha das dimensións que podería motivar a Galicia a ser máis emprendedora que España, pode verse mermada polo diferente valor doutra das dimensións e de aí pódese concluír que lixeiras variacións en canto ás dimensións culturais non implican que exista vai ser unha variación significativa en canto á iniciativa emprendedora. 

Ademais, sempre hai que ter en conta outros factores como o capital social, o contexto económico ou a contorna da rexión a estudar, xa que, dependendo dos seus valores, tamén se poden producir diferentes impactos en canto á taxa de emprendemento

Polo tanto, pódese constatar que as diferenzas culturais entre Galicia e España non se reflicten na mesma proporción na súa taxa de actividade emprendedora.