PERSOAS INTERSEXUAIS

A intersexualidade é a condición das persoas nacidas cunhas características biolóxicas, anatómicas ou fisiolóxicas, unha anatomía sexual, uns órganos reprodutivos ou un patrón cromosómico que non se corresponden coas nocións socialmente establecidas dos corpos masculinos ou femininos (art. 3 Lei  Trans).

En coherencia cos principios de non patoloxización, autonomía e consentimento informado (art. 19 Lei Trans), prohíbense as prácticas de modificación xenital en persoas menores de 12 anos, agás os casos en que as indicacións médicas esixan o contrario en aras de protexer a saúde da persoa.

No caso de persoas menores entre 12 e 16, soamente se permitirán estas prácticas a solicitude da persoa menor sempre que, pola súa idade e madurez, poida consentir de maneira informada.

Igualmente, debe garantirse o respecto á intimidade e confidencialidade sobre as características físicas das persoas intersexuais.

Finalmente, neste caso prevese unha excepción ao carácter obrigatorio da constancia do sexo do nacido na inscrición de nacemento no Rexistro Civil (art. 49 LRC e art. 74.2º Lei trans). En concreto, se o parte facultativo indicara a condición intersexual do nacido, os proxenitores, de común acordo, poderán solicitar que a mención do sexo figure en branco polo prazo máximo dun ano. Transcorrido este prazo, a mención ao sexo será obrigatoria e a súa inscrición haberá de ser solicitada polos proxenitores.