CUMPRINDO OBXETIVOS ÉTICOS NA INFORMACIÓN Ó PACIENTE E Á FAMILIA
Cumprindo obxetivos éticos na información ó paciente e á familia
¿Sabías que... unha comunicación inadecuada pode aumentar o sufrimento das familias en situacións críticas de saúde?
Introdución
A Bioética asistencial forma parte dos plans de estudo das titulacións en Ciencias da Saúde nas universidades galegas. Con todo, na maioría das facultades, o seu ensino céntrase fundamentalmente en contidos teóricos, con escasas oportunidades para a análise práctica de situacións reais. Este recurso dixital xorde co obxectivo de cubrir ese baleiro formativo, ofrecendo material que promove unha aproximación máis aplicada e reflexiva á bioética clínica.
A través de vídeos baseados en situacións clínicas reais —deseñados especificamente para fomentar a reflexión, a análise ética e a discusión crítica entre alumnado e profesorado— abórdanse temas clave como as habilidades de comunicación e o proceso deliberativo para a toma de decisións. O recurso compleméntase con preguntas orientadoras, un glosario de termos e material bibliográfico de apoio que permiten profundar e consolidar os coñecementos adquiridos.